خبرنامہ

قاہرہ : (ملت+اے پی پی) شدت پسند گروہ ’داعش‘ نے گذشتہ اتوار کو مصر کے دارالحکومت قاہرہ میں قبطی عیسائیوں کے ایک چرچ پر حملے کی ذمہ داری قبول کی ہے۔العربیہ ٹی وی کے مطابق ’داعش‘ نے انٹرنیٹ پر پوسٹ ایک بیان میں دعویٰ کیا ہے کہ قاہرہ کے چرچ میں خودکش حملہ اس کے جنگجو ابو عبداللہ المصری نے کرایا ہے۔ اس حملے میں پچیس افراد ہلاک اور پچاس کے لگ بھگ زخمی ہوگئے تھے۔داعش نے قبطی چرچ میں خود کش حملہ آور کی شناخت ایک مختلف نام سے کی ہے اور اس کا نام ابو عبداللہ المصری بتایا ہے جب کہ مصری پولیس کا کہنا ہے کہ یہ خود کش حملہ محمود شفیق محمد مصطفیٰ نامی ایک شدت پسند نے کیا تھا۔ ممکن ہے داعش نے اصل نام کے بجائے اور کا فرضی نام یا کنیت سے اس کی شناخت ظاہر کی ہو۔