خبرنامہ

بغداد۔ 24 اکتوبر (ملت + اے پی پی)عراق کے مغربی علاقے الرطبہ نامی شہر پر عسکریت پسندوں کے حملے میں 12 سکیورٹی اہل کار جاں بحق اور 15کے قریب زخمی ہو گئے ہیں۔ غیر ملکی میڈیا کے مطابق عراقی فوجی داعش کے حملہ آوروں کا پوری قؤت سے مقابلہ کر رہے ہیں جبکہ اس علاقے میں مزید فوجی دستے روانہ کرنے کا عندیہ دیا گیا ہے۔ عسکریت پسند تنظیم ’اسلامک اسٹیٹ‘ نے کرکوک پر حملے کے 2 روز بعد اب مغربی عراق کے شہر کو نشانہ بنایا ہے۔ اس حملے کو الرطبہ پر ’اسلامک اسٹیٹ‘ کا ایک مرتبہ پھر قبضہ کرنے کی کوشش قرار دیا گیا ہے۔ رواں برس مئی میں عراقی فوج نے اِس شہر کا قبضہ چھڑایا تھا۔