خبرنامہ بلوچستان

کوئٹہ(اے پی پی)سیکرٹری داخلہ بلوچستان اکبر حسین درانی نے کہا ہے کہ صوبے کے تعلیمی اداروں کی سیکورٹی کیلئے موثر اقدامات کرلئے ہیں،صوبے کی جامعات کی حفاظت کیلئے 500ریٹائرڈ اہلکاروں پر مشتمل فورسز تیار کی جارہی ہے۔ یہ بات انہوں نے گرلز کالج کوئٹہ میں شہر کے اسکولوں کے سربراہان اور عملے کو سول ڈیفنس کی تربیت کی اختتامی تقریب سے خطاب کرتے ہوئے کہی۔ اکبر حسین درانی نے کہا کہ اسکولوں کی سیکورٹی بڑھنے کے ساتھ ساتھ احساس تحفظ بڑھنے کی ضرورت ہے۔انہوں نے کہا کہ دہشت گردی کسی صورت بردشت نہیں کی جائے گی،ملک نے امن کی جانب ٹیک اف کرلیا ہے ۔ پاک چین اقتصادی راہداری شروع ہونے سے ملک ترقی کا نیا دور شروع ہورہا ہے۔ تقریب کے بعد جیو نیوز سے بات چیت کرتے ہوئے سیکرٹری داخلہ نے کہا کہ کوئٹہ سمیت صوبے کے تعلیمی اداروں کی سیکورٹی کیلئے جامع پلان تربیت دے دیا ہے ،یونیورسٹیز اور کالجز کے اردگرد واچ ٹاور بنائے جارہے ہیں۔