اتنی لمبی بیماری نہیں ہوسکتی، کہاں ہیں اسحاق ڈار؟: چیف جسٹس کا وکیل سے استفسار
اسلام آباد:(ملت آن لائن) چیف جسٹس پاکستان نے اسحاق ڈار کے کاغذات نامزدگی سے متعلق کیس میں ان کے وکیل سے استفسار کیا کہ اتنی لمبی بیماری نہیں ہوسکتی، کہاں ہیں اسحاق ڈار؟ سپریم کورٹ میں چیف جسٹس پاکستان کی سربراہی میں سینیٹ الیکشن میں اسحاق ڈار کے کاغذات نامزدگی کی منظوری کے خلاف درخواست پرسماعت ہوئی۔
نیب کا اسحاق ڈار کو انٹرپول کے ذریعے واپس لانے کا فیصلہ
دوران سماعت چیف جسٹس نے اسحاق ڈار کے وکیل سلمان بٹ سے استفسار کیا کہ ہم نے اسحاق ڈار کی طلبی کا حکم دیا تھا، کہاں ہیں اسحاق ڈار؟ ابھی لے آئیں ،کل یاپرسوں لے آئیں، ہم رات 8 بجے تک یہاں بیٹھے ہیں۔ سلمان بٹ نے بتایا کہ اسحاق ڈار بیمار ہیں، اس پر چیف جسٹس نے کہا کہ اتنی لمبی بیماری نہیں ہوسکتی، پتا کرکے بتائیں اسحاق ڈار کب تک آئیں گے؟ ہم انہیں حفاظتی ضمانت دے دیتے ہیں۔ جسٹس ثاقب نثار نے کہا کہ ہم نے ایک بارہدایت کی ہے دوبارہ نہیں کرسکتے۔