افغان امن عمل میں کردار ادا کرتے رہیں گے، پاکستان
نیو یارک:(ملت آن لائن) امریکا میں پاکستانی سفیر اعزاز چوہدری کا کہنا ہے کہ افغان امن عمل میں کردار ادا کرتے رہیں گے پاکستان میں امن واستحکام کیلئے افغانستان میں امن ناگزیر ہے۔ امریکا میں پاکستانی سفیر اعزاز چودہری نے جارج ٹاؤن یونیورسٹی کے طلباء سے خطاب میں جنوبی ایشیا میں امن و سلامتی کو درپیش چیلنجز پر روشنی ڈالتے ہوئے کہا کہ پاکستان کی دہشت گردی کے خلاف جنگ میں کامیابیوں سے معاشی صورتحال بہتر ہوئی، سی پیک پورے خطے کے کروڑوں افراد کی زندگیوں میں تبدیلی لائے گا۔ اعزازچوہدری نے کہا کہ افغانوں کے زیر قیادت امن عمل میں سہولت کیلئے اپنا کردار جاری رکھیں گے، افغانستان کے مسئلے کا کوئی فوجی حل نہیں ہے اورپاکستان میں امن واستحکام کیلئے افغانستان میں امن ناگزیر ہے۔بھارت کے حوالے سے اعزاز چوہدری نے کہا کہ پاکستان بھارت کے ساتھ اچھے ہمسائیگی کے تعلقات چاہتا ہے اور خطے میں دیرپا امن و استحکام کیلئے مسئلہ کشمیرکا حل ضروری ہے۔
امریکا میں پاکستانی سفیراعزازچودہری نے جارج ٹاؤن یونیورسٹی کے طلباء سے خطاب میں جنوبی ایشیا میں امن و سلامتی کو درپیش چیلنجز پر روشنی ڈالتے ہوئے کہا کہ پاکستان کی دہشت گردی کے خلاف جنگ میں کامیابیوں سے معاشی صورتحال بہتر ہوئی، سی پیک پورے خطے کے کروڑوں افراد کی زندگیوں میں تبدیلی لائے گا۔ اعزازچوہدری نے کہا کہ افغانوں کے زیر قیادت امن عمل میں سہولت کیلئے اپنا کردار جاری رکھیں گے، افغانستان کے مسئلے کا کوئی فوجی حل نہیں ہے اورپاکستان میں امن واستحکام کیلئے افغانستان میں امن ناگزیر ہے