خبرنامہ

امریکا دھمکیوں پر اتر آیا
واشنگٹن:(ملت آن لائن) امریکی نائب صدر سے فلسطینی صدر محمود عباس کی ملاقات منسوخ کرنے پر امریکا نے فلسطین کو سخت نتائج کی دھمکی دے دی۔ وائٹ ہاؤس کی جانب سے فلسطین حکام کو خبردار کیا گیا ہے کہ اگر امریکی صدر مائیک پینس کی فلسطینی صدر محمود عباس سے رواں ماہ ہونے والی ملاقات منسوخ کی گئی تو فلسطین کو برے نتائج کا سامنا کرنا پڑ سکتا ہے اور اس کے منفی مضمرات ہوسکتے ہیں۔ فلسطینی صدر کے قریبی ذرائع نے کہا ہے کہ مائیک پینس کے دورے کے موقع پرفلسطین کی جانب سے ان کا استقبال نہیں کیا جائے گا جس کی وجہ امریکی صدرکی جانب سے یروشلم کو اسرائیل کا دارالحکومت تسلیم کرنے کا اعلان ہے۔ مقبوضہ بیت المقدس کو اسرائیل کا دارالحکومت قرار دینے کے امریکی فیصلے کے خلاف فلسطین سمیت دنیا بھر میں احتجاجی مظاہرے کیے جارہے ہیں جب کہ صہیونی فوج نے مظاہرین کے خلاف طاقت کا استعمال کرتے ہوئے متعدد فلسطینیوں کو زخمی کردیا ہے۔ 2 روز قبل امریکی صدر ڈونلڈ ٹرمپ نے مقبوضہ بیت المقدس کو اسرائیل کا دارالحکومت تسلیم کرنے کا باضابطہ اعلان کردیا تھا جس کے بعد دنیا بھر کے مختلف ممالک نے اس فیصلی کی مزمت کرتے ہوئے غیر ذمہ دارانہ فیصلہ قراردے دیا۔