خبرنامہ

امریکا میں خواجہ سراؤں کو فوج میں بھرتی کی اجازت
واشنگٹن:(ملت آن لائن) امریکا میں خواجہ سراؤں کو فوج میں بھرتی کرنے کی اجازت مل گئی ہے۔ واشنگٹن سمیت تین وفاقی عدالتوں نے امریکی صدر کی جانب سے عائد پابندی کو ختم کرتے ہوئے خواجہ سراؤں کو فوج میں بھرتی کرنے کی اجازت دے دی ہے۔ اس سے پہلے اکتوبر میں امریکی ڈسٹرکٹ جج کولن کولرکوٹلی نے ٹرمپ انتظامیہ کی جانب سے خواجہ سراؤں کی فوج میں شمولیت کے احکامات پرعملدرآمد روکنے کی ہدایت جاری کی تھی۔ نئے عدالتی احکامات کے مطابق یکم جنوری سے امریکی فوج میں خواجہ سرا (ٹرانس جینڈر) بھی شمولیت اختیار کرسکیں گے۔ امریکی صدر ڈونلڈ ٹرمپ نے خواجہ سراؤں کی فوج میں بھرتی کی مخالفت اور انہیں ترقی کی راہ میں رکاوٹ قرار دیتے ہوئے فوج میں خواجہ سراؤں کی بھرتی پر پابندی عائد کردی تھی جس کے خلاف سماجی تنظیموں نے عدالت سے بھی رجوع کیا تھا۔