خبرنامہ

اسلام آباد ہائی کورٹ نے انتخابی ضابطہ اخلاق کیخلاف عمران خان کی درخواست خارج کردی۔ واضح رہے کہ الیکشن کمیشن نے ضمنی الیکشن میں لاہور، ساہیوال اور لودھراں میں جلسہ کرنے پر عمران خان کو نوٹس بھیجا تھا۔

اسلام آباد ہائی کورٹ نے انتخابی ضابطہ اخلاق کے خلاف پاکستان تحریک انصاف کے چیئرمین عمران خان کی درخواست خارج کر دی۔ عمران خان کو جاری کیے گئے الیکشن کمیشن کے نوٹس کے خلاف درخواست پر ہائی کورٹ نے فیصلہ سنا دیا۔

الیکشن کمیشن کی جانب سے عمران خان کو جاری نوٹس بحال کردیا گیا، عدالت نے 26 اپریل 2018ء کو فیصلہ محفوظ کیا تھا۔ فیصلہ اسلام آباد ہائی کورٹ کے جسٹس عامر فاروق نے تحریر کیا ہے۔ عمران خان کی جانب سے بابراعوان ایڈووکیٹ کے جونیئر وکیل عدالت میں پیش ہوئے۔

الیکشن کمیشن نے ضمنی الیکشن میں لاہور، ساہیوال اور لودھراں میں جلسہ کرنے پر عمران خان کو نوٹس بھیجا تھا۔