ایم کیو ایم اور پی ایس پی کا تحریری معاہدہ منظر عام پر آ گیا
کراچی(ملت آن لائن)متحدہ قومی موومنٹ (ایم کیو ایم) پاکستان اور پاک سرزمین پارٹی کے رہنماؤں کی جانب سے مشترکہ پریس کانفرنس سے پہلے ہونے والے تحریری معاہدے کی کاپی جیو نیوز نے حاصل کر لی ہے۔
جیو نیوز کے مطابق ایم کیو ایم پاکستان اور پی ایس پی کے درمیان ہونے والا معاہدہ سندھ اسمبلی میں اپوزیشن لیڈر خواجہ اظہار الحسن نے تحریر کیا۔
معاہدے میں دونوں جماعتوں نے عدم تصادم اور عدم تشدد کی پالیسی پر متحد ہونے اور شہر کے وسیع تر مفادات میں مینڈیٹ کی تقسیم کو روکنے کا ذکر بھی کیا گیا۔
مصطفیٰ کمال نے غیر ذمہ دارانہ گفتگو کرکے سیاسی اتحاد کا قیمتی موقع گنوادیا، فیصل سبزواری
اس کے علاوہ دونوں جماعتوں نے ایک نشان اور ایک منشور کے تحت آئندہ انتخابات میں حصہ لینے پر بھی اتفاق کیا جب کہ آئندہ کا لائحہ عمل باہمی مشاورت سے طے کرنے کا فیصلہ کیا گیا۔
خیال رہے کہ تین روز قبل ایم کیو ایم پاکستان اور پاک سرزمین پارٹی کے رہنماؤں نے کراچی پریس کلب میں میڈیا نمائندوں کے سامنے ایک منشور اور ایک نشان کے تحت آئندہ الیکشن میں حصہ لینے کا فیصلہ کیا۔
’فاروق ستار، کل کا فیصلہ اور آج یوٹرن دونوں کی وجہ دباؤ‘
تاہم اگلے ہی روز ایم کیو ایم پاکستان کی رابطہ کمیٹی نے واضح طور پر کہا کہ ہم کسی جماعت میں ضم نہیں ہو رہے اور پتنگ کے نشان پر ہی الیکشن میں حصہ لیں
ایم کیوایم پاکستان کے رہنما فیصل سبزواری کا کہنا ہے کہ ایم کیوایم پاکستان کسی کے ساتھ ضم نہیں ہوگی۔
متحدہ قومی موومنٹ پاکستان کے رہنما فیصل سبزواری نے کہا ہے کہ ہم نے پاک سرزمین پارٹی کے ساتھ مستقبل میں سیاسی اتحاد کے لیے کوششیں کیں لیکن پی ایس پی کے سربراہ نے غیر ذمہ دارانہ گفتگو کر کے سیاسی اتحاد کا قیمتی موقع گنوا دیا۔
ایم کیو ایم پاکستان کی رابطہ کمیٹی کے رہنماؤں کے ہمراہ پریس کانفرنس کرتے ہوئے رکن سندھ اسمبلی فیصل سبز واری نے کہا کہ مصطفیٰ کمال کہتے ہیں کہ ایم کیو ایم ’راٰ‘ کی ایجنٹ ہے اور سابق ڈی جی رینجرز سندھ بلال اکبر نے ایم کیو ایم پاکستان بنائی لیکن ہمارے ساتھ بیٹھتے بھی ہیں۔