قومی اسمبلی کے حلقہ 129 لاہور میں ریٹرننگ افسر نے ووٹوں کی دوبارہ گنتی روک دی، یہاں سے مسلم لیگ ن کے ایاز صادق کامیاب ہوئے تھے۔
ریٹرننگ افسر کے مطابق دوبارہ گنتی کا حکم رزلٹ مکمل نہ ہونے کی صورت میں تھا، اس لیے رزلٹ مکمل کرکے الیکشن کمیشن کو بھجوا دیا۔ دوبارہ گنتی کا حکم نتیجہ مکمل نہ ہونے کی صورت میں تھا۔
ریٹرننگ افسر نے کہا کہ ہم نےعبدالعلیم خان کی درخواست پر دوبارہ گنتی کے لیے 40 بیگز کھولے، لیکن ہر بیگ کو کھولنے پر خاطر خواہ اضافہ نظر نہیں آیا۔ ایازصادق اورعبدالعلیم خان کے درمیان ووٹوں کا فرق تقریبا 10000 تک جانے کا امکان تھا جس کی وجہ سے گنتی رکوا دی گئی۔
حلقے سے ن لیگ کے ایاز صادق 103021 ووٹ لیکر کامیاب ہوئے تھے جبکہ تحریک انصاف کے عبدالعلیم خان نے 94879 ووٹ حاصل کئے۔