خبرنامہ

اسلام آباد (ملت آن لائن،اے پی پی) وفاقی حکومت نے سرکاری ترقیاتی پروگرام کے تحت وزارت انفارمیشن ٹیکنالوجی کے گیارہ پہلے سے جاری منصوبوں کیلئے ایک ارب 36 کروڑ 97 لاکھ 33 ہزار روپے مختص کئے ہیں، جبکہ تین نئے منصوبوں کیلئے16 کروڑ82 لاکھ 67ہزار روپے مختص کئے ہیں۔حکومت نے مجموعی طور پر 14 منصوبوں کیلئے ایک ارب 53 کروڑ80 لاکھ روپے کی خطیر رقم مختص کی ہے جبکہ ان منصوبوں کا مجموعی طور پر تخمینہ 20 ارب 89 کروڑ27 لاکھ52 ہزار روپے لگایا گیا ہے۔نئی سکیموں کا تخمینہ تین ارب 70 کروڑ 60 لاکھ اور جبکہ پہلے سے جاری منصوبوں کا جاری تخمینہ 17 ارب18 کروڑ67 لاکھ 52 ہزار روپے ہے۔