خبرنامہ

کوئٹہ۔12جون ( اے پی پی )بلوچستان کی 11رکنی نگراں کابینہ نے منگل کے روز حلف اٹھالیا حلف برداری کی سادہ مگر پروقارتقریب گورنرہاؤس میں منعقد ہوئی جس میں گورنر بلوچستان محمد خان اچکزئی نے نگراں اراکین کابینہ سے حلف لیا ،حلف اٹھانے والوں میں عبدالسلام خان ،امام بخش بلوچ، منظور قزلباش،نصراللہ خلجی ،فیض کاکڑ،حافظ خلیل احمد ،ملک خرم شہزاد ،محترمہ فرزانہ علی احمد،نوید کلمتی ،آغا عمر بنگلزئی اور عنایت اللہ کاسی شامل ہیں،حلف برداری کی تقریب میں نگراں وزیراعلیٰ بلوچستان میر علاؤالدین مری سمیت اعلیٰ سول آفیسران ،قبائلی عمائدین اور مختلف شعبہ زندگی سے تعلق رکھنے والے افراد نے شرکت کی۔