بورڈ نے پی ایس ایل کے لیے ٹیکنیکل کمیٹی کا اعلان کردیا
Pcb Announced Technical Board For Psl
پاکستان کرکٹ بورڈ کے افسران غیر ملکی دوروں کا کوئی موقع ہاتھ سے جانے نہیں دیتے لیکن انضمام الحق کی سربراہی میں قومی سلیکشن کمیٹی پاکستان سپر لیگ کے دوران دبئی اور شارجہ نہیں جائے گی۔
پاکستان کرکٹ بورڈ نے پی ایس ایل کی ٹیکنیکل کمیٹی کا اعلا ن کردیا ہے، کمیٹی میں ڈائر یکٹر کرکٹ ہارون رشید، ڈائریکٹر گیم ڈیولپمنٹ مدثر نذر، سینئر جنرل منیجر اکیڈمیز علی ضیاء اور پی سی بی کے ڈاکٹر سہیل سلیم شامل ہیں۔
پاکستانی سلیکٹرز کو پی ایس ایل کے دوران ویسٹ انڈیز کے خلاف 3 میچوں کے لئے پاکستان ٹیم کا انتخاب کرنا ہےجبکہ سلیکٹر توصیف احمد مسلسل تیسرے سال اسلام آباد یونائیٹڈ کے کوچنگ اسٹاف میں شامل ہوں گے۔
چیف سلیکٹر انضمام الحق لاہور قلندر کے مینٹور مقرر ہوئے ہیں، لیکن وہ ٹورنامنٹ کے دوران لاہور قلندر کے ساتھ سفر نہیں کریں گے، وہ 10 دن کے لئے پی سی بی کے مہمان کی حیثیت سے دبئی جائیں گے تاہم سلیکٹرز وجاہت اللہ واسطی اور وسیم حیدر اپنے گھروں میں بیٹھ کر پی ایس ایل میچز دیکھیں گے۔
انضمام الحق کے چیف سلیکٹر بننے کے بعد انہوں نے2016میں انگلینڈ کے دورے میں پاکستان کرکٹ بورڈ کے مہمان کی حیثیت سے انگلینڈ کا دورہ کیا تھاجبکہ دیگر 3سلیکٹر 2 ہفتے کے لئے بورڈ کے مہمان کی حیثیت سے متحدہ عرب امارات گئے تھےتاہم اس کے علاوہ سلیکٹرز کو غیر ملکی دوروں پر بھیجنے کی کوئی روایت نہیں ہے۔