خبرنامہ

تلخیاں اپنی حدوں کوچھونے لگیں، امریکہ نے انتہائی قدم اٹھا لیا

اسلام آباد (ملت آن لائن) امریکہ نے 2016ء سے قبل ہونے والے معاہدہ پر عملدرآمد کرنے سے انکار کر دیا ہے۔ تفصیلات کے مطابق امریکہ نے پاکستان کو آٹھ ایف سولہ طیارے دینے سے انکار کر دیا ہے، پاکستان نے سرکاری دستاویزات کے مطابق 8 ایف سولہ طیاروں کے لیے امریکہ کو 699 ملین ڈالر دینے تھے اور چالیس فیصد رقم پاکستان نے قومی خزانے سے دینے تھے جبکہ باقی کی رقم امریکہ نے اپنے غیر ملکی فنڈز سے دینی تھی، پاکستان اور امریکہ کے درمیان یہ معاہدہ 2016ء میں ہوا مگر امریکہکی موجودہ انتظامیہ نے اس فیصلے پر عملدرآمد روک دیا ہے اس کے علاوہ امریکی کانگریس نے بھی اس معاہدے کی مخالفت کی تھی، امریکی انتظامیہ کے اس عمل سے اب پاکستان کو مزید ایف سولہ طیاروں کی فراہمی کے امکانات معدوم ہو گئے ہیں، امریکہ اور پاکستان کے مابین بڑھتی ہوئی خلیج سے جہاں دونوں ممالک کے قومی مفادات کو نقصان پہنچ رہا ہے وہیں جنوبی ایشیا میں سکیورٹی کے خطرات میں اضافہ ہوگیا ہے۔ امریکہ نے 2016ء سے قبل ہونے والے معاہدہ پر عملدرآمد کرنے سے انکار کر دیا ہے۔

……………….
…….اس خبر کوبھی پڑھیے…….

امریکا نے اقوام متحدہ کے بجٹ میں 28 کروڑ ڈالر کمی کردی

نیویارک:(ملت آن لائن) امریکا نے اقوام متحدہ کے بجٹ میں 28 کروڑ 50 لاکھ ڈالر کی کٹوتی کردی اور کہا ہے کہ کسی کو امریکی عوام کی سخاوت کا ناجائز فائدہ اٹھانے نہیں دیں گے۔ یہ کٹوتی اقوام متحدہ کے نئے بجٹ برائے سال 19-2018ء میں کی گئی ہے ، اقوام متحدہ کے اجلاس میں اگلے دو برس کے لیے 5ارب 39 کروڑ 60 لاکھ روپے کا بجٹ پیش کیا گیا تھا۔ اقوام متحدہ میں امریکا کی مستقل مندوب نکی ہیلی نے کہا ہے کہ بجٹ کٹوتی درست سمت میں ایک بڑا قدم ہے، کسی کو امریکی عوام کی سخاوت کا ناجائز فائدہ اٹھانے نہیں دیں گے، اقوام متحدہ کی ناکامیاں اور شاہ خرچیاں سب جانتے ہیں اس لیے اقوام متحدہ کے بجٹ میں 285 ملین ڈالرز کم کیے جارہے ہیں۔ امریکا اقوام متحدہ کو فنڈ دینے والا سب سے بڑا ملک ہے جو مجموعی بجٹ کا 22 فیصد فراہم کرتا ہے جب کہ بقیہ بجٹ دنیا بھر کے دیگر ارکان ممالک پورا کرتے ہیں، امریکی صدر ڈونلڈ ٹرمپ نے مقبوضہ بیت المقدس کو اسرائیل کا دارالحکومت تسلیم کرنے کا اعلان کیا اور دھمکی دی تھی کہ اقوام متحدہ کے جنرل اسمبلی اجلاس میں امریکی فیصلے کے خلاف ووٹ دینے والوں کی امداد بند کردی جائے گی۔