خبرنامہ

توہین عدالت کی درخواست، وفاقی حکومت اور پیمرا سے جواب طلب

لاہور:(ملت آن لائن) لاہور ہائیکورٹ نے نوازشریف،مریم نواز،شاہدخاقان کے خلاف توہین عدالت کی درخواست پر وفاقی حکومت،پیمرا کو نوٹس جاری کرتے ہوئے 14 فروری کو جواب طلب کرلیا۔ لاہور ہائیکورٹ میں سابق وزیراعظم نوازشریف،مریم نواز، وزیراعظم شاہد خاقان کیخلاف توہین عدالت کی دائر درخواست پر سماعت ہوئی۔ عدالت نے وفاقی حکومت،پیمرا کو نوٹس جاری کرتے ہوئے 14 فروری کو جواب طلب کرلیا۔ درخواست میں مؤقف اختیار کیا گیا ہے کہ نواز شریف اورمریم نوازنے ہری پورجلسےمیں عدلیہ مخالف تقاریر کیں، نواز شریف،مریم نواز،شاہد خاقان مسلسل عدلیہ مخالف تقاریرکررہےہیں۔
نوازشریف، مریم نواز اور شاہدخاقان کے خلاف توہین عدالت کی درخواست دائر
درخواست گزار کا کہنا ہے کہ پیمراعدلیہ مخالف تقاریرروکنے کے اقدامات نہیں کر رہا۔ دائر درخواست میں استدعا کی گئی ہے کہ عدالت پیمرا کوعدلیہ مخالف تقاریر نشر کرنے سےروکے اور شاہدخاقان عباسی، نوازشریف، مریم نواز کے خلاف کارروائی کا حکم دے۔ یاد رہے کہ ہری پور جلسے میں سابق وزیراعظم نوازشریف نے عدلیہ پرتنقید کرتے ہوئے کہا ہے کہ چند افراد نے مجھےاقامے پر گھربھیج دیا، ان ججزکوسلام پیش کرتا ہوں، جنہوں نےعمران کوصادق اورامین قراردیا۔
چند افراد نے مجھےاقامے پر گھربھیج دیا، نواز شریف
مریم نواز نے عدلیہ پر تنقید کرتے ہوئے کہنا تھا کہ منتخب کردہ وزیراعظم کو5ججزنےاقامہ پرگھربھیجا، سازشوں کےباوجود ہرانتخابات میں عوام نے نوازشریف کو منتخب کیا۔