خبرنامہ

‘جنوبی ایشیا میں امن، تعاون اور خوشحالی کیلئے پاک-امریکا تعاون ضروری’
واشنگٹن:(ملت آن لائن) امریکا میں تعینات پاکستانی سفیر اعزاز احمد چوہدری کا کہنا ہے کہ جنوبی ایشیا میں امن، تعاون اور خوشحالی کے لیے پاک-امریکا تعاون اہمیت کا حامل ہے۔ امریکا میں جارجیاٹیک یونیورسٹی میں طلبہ سےخطاب کے دوران پاکستانی سفیر اعزاز چوہدری نے کہا کہ پاکستان اور امریکا کے تعلقات 7 دہائیوں پر مشتمل ہیں اور پاکستان امریکا کے ساتھ باہمی مفاد پر مبنی وسیع البنیاد تعلقات کا خواہاں ہے۔ پاکستان خطے میں امریکا کے لئے اہمیت کا حامل ہے، امریکی وزیر خارجہ اعزاز چوہدری کا کہنا تھا کہ جنوبی ایشیا میں امن، تعاون اور خوشحالی کے لیے پاک-امریکا تعاون ضروری ہے، ساتھ ہی انہوں نے افغانستان میں پائیدار امن کےفروغ کی ضرورت پر بھی زور دیا۔ دوسری جانب اعزاز چوہدری نے پاکستان اور چین کے تعلقات پر روشنی ڈالتے ہوئے کہا کہ پاک-چین اقتصادی راہداری (سی پیک) علاقائی منصوبہ ہے، جس سے خطے کے عوام کو اقتصادی فوائد حاصل ہوں گے۔ اعزاز چودھری نے پاکستانی امریکی کمیونٹی اٹلانٹا کی جانب سے ظہرانے میں بھی شرکت کی اور پاک-امریکا تعلقات کے فروغ میں پاکستانی کمیونٹی کے کردار کو سراہا۔