خبرنامہ

لاہور(ملت آن لائن، این این آئی) جے آئی ٹی کی رپورٹ کے بعد بزرگ سیاستدان سردار ذوالفقار علی خان کھوسہ نے دعویٰ کیا ہے کہ حکمران جماعت کے ناراض اراکین اسمبلی کی بڑی تعداد میر ے ساتھ ہے اور ’’ ان کو ‘‘ بڑا جھٹکا لگے گا۔
جے آئی ٹی کی رپورٹ کے بعد وزیر اعظم نواز شریف حکومت کرنے کا اخلاقی جواز کھو بیٹھے ہیں۔ نجی ٹی وی سے گفتگو کرتے ہوئے ذوالفقار علی خان کھوسہ نے کہا کہ 82اراکین اسمبلی تو قومی اسمبلی کے بجٹ کے اجلاس میں بھی آنے کو تیار نہیں تھے ۔ پیپلز پارٹی کی طرح (ن) لیگ کو سب چھوڑ کر جا رہےہیں ۔ 60سے زائد اراکین قومی اسمبلی میرے ساتھ ہیں ان کو ایک بڑا جھٹکا لگے گا ۔
انہوں نے کہاکہ1993ء میں 228 میں سے صرف 31ارکان ان کے ساتھ رہ گئے تھے اور آج بھی وہی صورت حال ہے۔ ان کے ساتھ کسی نے نہیں ڈوبنا ،میں بڑھکیں نہیں مارہا بلکہ زمینی حقائق بتا رہا ہوں۔ انہوں نے کہاکہ جے آئی ٹی کی رپورٹ کے بعد ناراض اراکین کی ایک بڑی تعداد میرے ساتھ رابطے میں ہے اور جلد واضح ہو جائے گا ۔
جے آئی ٹی کی رپورٹ کے بعد وزیر اعظم نواز شریف حکومت کرنے کا اخلاقی جواز کھو بیٹھے ہیں۔ نجی ٹی وی سے گفتگو کرتے ہوئے ذوالفقار علی خان کھوسہ نے کہا کہ 82اراکین اسمبلی تو قومی اسمبلی کے بجٹ کے اجلاس میں بھی آنے کو تیار نہیں تھے ۔ پیپلز پارٹی کی طرح (ن) لیگ کو سب چھوڑ کر جا رہےہیں ۔ 60سے زائد اراکین قومی اسمبلی میرے ساتھ ہیں ان کو ایک بڑا جھٹکا لگے گا ۔