خبرنامہ

فیصل آباد۔3 فروری(ملت+اے پی پی )محکمہ محنت پنجاب نے تمام لیبر افسران اور دیگر متعلقہ حکام کو ہدایت کی ہے کہ وہ صنعتی مزدوروں کو حکومت کی جانب سے مقرر کردہ کم از کم بنیادی اجرت کی ادائیگی یقینی بنانے کیلئے فوری اقدامات کریں اور حکومتی ہدایات کی خلاف ورزی کرنے والے صنعتی اداروں کے خلاف بلا امتیاز قانونی کارروائی عمل میں لائی جائے۔ پاکستان ٹیکسٹائل ورکرز فیڈریشن فیصل آباد کے وفد سے بات چیت کے دوران محکمہ محنت کے ترجمان نے کہا کہ حکومت محنت کشوں اور صنعتی مزدوروں کے حقوق کے تحفظ اور انہیں بنیادی سہولیات سمیت مقررہ اجرت کی فراہمی کیلئے تمام ممکن اقدامات کر رہی ہے۔ انہوں نے کہا کہ اس ضمن میں غفلت برتنے والے اہلکاروں کے خلاف بھی سخت محکمانہ کارروائی عمل میں لائی جائیگی۔