خبرنامہ

ختم نبوتؐ قانون میں ترمیم،خاتون وزیر بھی ملوث، شیخ رشید

اسلام آباد (ملت آن لائن) عوامی مسلم لیگ کے سربراہ شیخ رشید احمد نے کہا ہے کہ ن لیگ کی تحریک شہباز شریف کے خلاف ہوگی، شریف خاندان ایک مخصوص ایجنڈے پر عمل پیرا ہے،دھرنے والوں کو فوج سے لڑانے کی سازش تھی ،نواز شریف نے کلبھوشن یادیو کا کیس کمزور کیا۔ موجودہ حکومت نے 4 سال میں 35 ارب ڈالرز قرضہ لیا۔ مسلم لیگ ن نے علمائے کرام کو بدنام کرنے کی کوشش کی۔ عوام ہر چیز پر 83 فی صد ٹیکس دیتے ہیں۔ ان خیالات کا اظہار عوامی مسلم لیگ کے سربراہ شیخ رشید احمد نے کیا۔ انہوں نے کہا کہ افغان کرنسی آج پاکستان کے مقابلہ میں مہنگی ہوچکی ہے جو تول کربکتی تھی۔ ختم نبوت قانون میں ترمیم میں انوشہ رحمن بھی ملوث ہیں۔ نواز شریف نے کلبھوشن یادیو کا نام کبھی نہیں لیا۔ نواز شریف نے کلبھوشن کا کیس کمزور کیا۔ نواز شریف کو کلبھوشن کا کیس اسی طرح لڑنا چاہیے تھا جس طرح انہوں نے پاناما کیس لڑا۔ انہوں نے کہا کہ شریف برادران ایک مخصوص ایجنڈے پر کام کر رہے ہیں۔حقیقت یہ ہے کہ شریف برادران اور پاکستان ایک ساتھ نہیں چل سکتے، بھارت کو خوش کرنے کے لیے قانون توڑے گئے، ہر قانون توڑنے والے کو سزا ضرور ملے گی۔شیخ رشید احمد نے کہا کہ پاک فوج نے دہشت گردی کے خلاف جنگ لڑ کر تاریخ رقم کی۔

………..
…..اس خبر کو بھی پڑھیے…..

طاہر القادری، خادم رضوی، حمید سیالوی ہم ایک ہیں: شیخ رشید

ملتان:(ملت آن لائن) عوامی مسلم لیگ کے سبراہ شیخ رشید نے میڈیا سے گفتگو کرتے ہوئے کہا کہ نواز شریف نے کلبھوشن یادیو کا کیس صحیح طریقے سے نہیں لڑا، ختم نبوت کے معاملے کے اصل ملزم نواز شریف ہیں۔ شیخ رشید نے کہا کہ پاکستان اور نواز شریف اکٹھے نہیں چل سکتے، قوم فیصلہ کرے کہ ان کا گلی گلی مقابلہ کرے گی، طاہر القادری سے پہلے نواز شریف کا نام ای سی ایل میں ڈالنا چاہئے، نواز شریف نے منی لانڈرنگ کی۔ سربراہ عوامی مسلم لیگ نے مزید کہا کہ طاہر القادری کی عمران سے ملاقات کامیاب رہے گی، طاہر القادری اور عمران خان جو فیصلہ کریں گے، ان کا ساتھ دیں گے، ختم نبوت کے معاملے میں جو بھی لاہور احتجاج کرنے آئے گا، اس کا ساتھ دیں گے، شیخ آفتاب اور کیپٹن صفدر کو کیبنٹ ڈویژن سے 9 ارب دیئے گئے۔ شیخ رشید نے مزید کہا کہ کلبھوشن کی والدہ اور بیوی کی ملاقات کرا کے پاک فوج نے بڑا کارنامہ کیا ہے، جینیوا کنونشن کے تحت ایسے کام کرنے پڑتے ہیں، حدیبیہ کیس کی تیاری مکمل کر لی ہے، پرانی نیب نے جان بوجھ کر پرانی دستاویزات نہیں لگائیں اور شہباز شریف کو فری ہینڈ دیا، حدیبیہ کیس میں سپریم کورٹ جا رہا ہوں، دونوں بھایئوں نے رام اور شام کی فلم لگائی ہوئی ہے۔ ملتان میں پریس کانفرنس کے دوران شیخ رشید سے جاوید ہاشمی کے متعلق سوال ہوا تو شیخ صاحب کا موڈ خراب ہو گیا، چھوڑو یار کہہ کر روانہ ہو گئے۔