خبرنامہ

دہشت گردی اور انتہاپسندی کےدن ختم ہوگئے: وزیر خارجہ خواجہ آصف

اسلام آباد:(ملت آن لائن) وزیر خارجہ خواجہ آصف نے کہا ہےکہ دہشت گردی اور انتہاپسندی کے دن ختم ہوگئے اور اب ملک ترقی کرےگا۔ اسلام آباد میں بین الاقوامی انسداددہشت گردی فورم سےخطاب کرتے ہوئے خواجہ آصف نے کہا کہ غربت کاخاتمہ اور روزگارکی فراہمی جمہوریت کی وجہ سے ممکن ہوتی ہے، ملک میں پائیدارترقی کےحصول کے لیےکوشاں ہیں۔ انہوں نے کہاکہ دہشت گردوں کوملک کے لیےخطرہ نہیں بننےدیں گے، سیکیورٹی فورسز نے دہشت گردی کے خاتمے کے لیے بے پناہ قربانیاں دیں، دہشت گردوں کے خاتمے کےبعد متاثرہ علاقوں میں بحالی کاکام کامیابی سےکیا۔ وزیر خارجہ کا کہنا تھاکہ ہمارے ہمسایہ ممالک میں دہشت گردوں کی پناہ گاہیں موجودہیں، دہشت گرد ان پناہ گاہوں سےپاکستان پرحملےکرتے ہیں۔ خواجہ آصف نے مزید کہا کہ دہشت گردی اور انتہاپسندی کےدن ختم ہوگئے،اب ملک ترقی کرےگا، سی پیک سے نہ صرف پاکستان بلکہ پورےخطےمیں ترقی کےمواقع میسر ہوں گے۔ ان کا کہنا تھاکہ وژن 2025 ایک جمہوری پاکستان کی علامت ہے، وژن 2025ء میں سماجی اصلاحات اورپولیس اصلاحات بھی شامل ہیں۔