خبرنامہ

سینیٹ چیئرمین شپ: (ن) لیگ کا راستہ روکنے کیلئے پی پی کی پی ٹی آئی کو پیشکش

اسلام آباد:(ملت آن لائن) چیئرمین اور ڈپٹی چیئرمین سینیٹ کے انتخاب کے لئے مسلم لیگ (ن) کا راستہ روکنے کے لئے پیپلز پارٹی نے تحریک انصاف کو مشترکہ کوشش کی پیشکش کی ہے۔ چیئرمین اور ڈپٹی چیئرمین سینیٹ کے لئے سیاسی جماعتوں نے رابطے شروع کردیئے اور اسی سلسلے میں پیپلز پارٹی اور تحریک انصاف کے درمیان رابطہ ہوا ہے۔ پیپلز پارٹی نے مسلم لیگ (ن) کا راستہ روکنے کے لئے پی ٹی آئی کو مشترکہ کوشش کی پیشکش کی ہے۔ دونوں جماعتوں کے درمیان اتفاق کی صورت میں پیپلز پارٹی نے چیئرمین سینیٹ کا عہدہ اپنے پاس اور ڈپٹی چیئرمین شپ کی سیٹ تحریک انصاف کو دینے کی پیشکش کی ہے۔ تحریک انصاف کے رابطہ کاروں نے پیپلز پارٹی کی پیشکش اعلیٰ قیادت تک پہنچانے پر اتفاق کیا ہے۔ خیال رہے کہ چیئرمین سینیٹ کے لئے 53 ووٹ درکار ہیں جب کہ مسلم لیگ اور اس کے اتحادیوں کے پاس 45 سے زائد ووٹ ہیں۔ سینیٹ میں پیپلز پارٹی 20 نشستوں کے ساتھ دوسری اور تحریک انصاف 12 نشستوں کے ساتھ تیسری بڑی جماعت ہے۔
سینیٹ چیئرمین شپ: (ن) لیگ کا راستہ روکنے کیلئے پی پی کی پی ٹی آئی کو پیشکش