خبرنامہ

شاہ خاور اسپیشل پراسیکیوٹر نیب مقرر
اسلام آباد:(ملت آن لائن)قومی احتساب بیورو نے شاہ خاور کو اسپیشل پراسیکیوٹر نیب مقرر کردیا۔ نیب کی جانب سے جاری اعلامیے کے مطابق پراسیکیوٹر نیب کی اسامی خالی ہونے سے مقدمات کی سماعت متاثر ہوسکتی تھی، شاہ خاور حدیبیہ پیپرز ملز ریفرنس سمیت تمام اہم مقدمات میں نیب کی نمائندگی کریں گے۔ اعلامیے میں کہا گیا ہے کہ عدالت عظمیٰ اور احتساب عدالتوں میں اہم ترین مقدمات کی سماعت جاری ہے جب کہ شاہ خاور اہم مقدمات میں پیش ہوں گے۔ شاہ خاور ڈپٹی اٹارنی جنرل اور اسسٹنٹ ایڈووکیٹ جنرل بھی رہ چکے ہیں۔