شہدا کیلئے 20 لاکھ زخمیوں کیلئے 10 لاکھ کی امداد
ملت آن لائن… چند لٹر پٹرول کے لالچ میںسینکڑوں لوگ جاںبحق ہو گئے..ٹینکر حادثہ پر عمران خان، بلاول، گورنرز وزرائے اعلیٰکا اظہار افسوس .صبح چھ بجے آئل ٹینکر زور دار دھماکے سے پھٹ گیاجس کے نتیجے میں 140افراد جاں بحق اور درجنوں زخمی ہوگئے،جن میں خواتین اور بچے بھی شامل ہیں۔زخمیوں میں بیشتر 80فیصد سے زائد جھلس چکے ہیں جس کے باعث ہلاکتوں میں اضافے کا خدشہ ہے۔آئل ٹینکر پھٹنے سے قریب موجود 75سے زائد موٹرسائیکلیں اور کئی کاریں بھی جل کر راکھ ہوگئیں۔فائربریگیڈ نے موقع پر پہنچ کر آگ پر قابو پایا۔ریسکیو ذرائع کے مطابق لاشیں بری طرح جھلسی ہوئی ہیں اور ان کی شناخت کے بغیر ڈی این اے ممکن نہیں۔زخمیوں کو بہاولپور وکٹوریہ ہسپتال سمیت قریبی ہسپتالوں میں منتقل کردیا گیاجہاں متعدد زخمیوں کی حالت تشویشناک ہے۔ڈائریکٹر جنرل 1122، ڈاکٹر رضوان نصیرنے 100سے زائد ہلاکتوں کی تصدیق کرتے ہوئے بتایا کہ حادثے میں جھلسنے والے 100کے قریب افراد کو مقابی ہسپتالوں میں طبی امداد دی جارہی ہے۔