خبرنامہ

عمران خان صرف 20 دن ایوان میں آئے مگر تنخواہ پوری وصول کی

اسلام آباد:(ملت آن لائن) تحریک انصاف کے چیئرمین عمران خان صرف 20 دن ایوان میں آئے مگر تنخواہ پوری وصول کی۔ تحریک انصاف کے چیئرمین عمران خان 443 دنوں میں صرف 20 دن ایوان میں آئے مگر تنخواہ پوری 57 لاکھ 30 ہزار روپے وصول کی۔ سفری اخراجات کے 8 لاکھ 40 لاکھ روپے لیے، شیخ رشید نے بھی تنخواہ پوری وصول کی، سفری اخراجات کی مد میں 13 لاکھ 74 ہزار وصول کیے۔ واضح رہے کہ پاکستان تحریک انصاف کے 35 ارکان اسمبلی 20 کروڑ روپے سے زیادہ تنخواہ، 8 کروڑ کے ہوائی ٹکٹ اور 4 کروڑ کے ٹریول واؤچر وصول کر چکے ہیں۔

……………………………..

اس خبر کو بھی پڑھیے…کلبھوشن پاکستان میں بھارتی تخریب کاری کا کھلا ثبوت ہے، ملیحہ لودھی

نیویارک:(ملت آن لائن)کلبھوشن پاکستان میں بھارتی تخریب کاری کا کھلا ثبوت ہے، ملیحہ لودھی، اقوام متحدہ میں پاکستان کی مستقل مندوب ملیحہ لودھی کا کہنا ہے کہ پاکستان پر الزامات سے پہلے بھارت ہمارے ملک کے خلاف تخریب کاری کا اپنا ریکارڈ دیکھے جس کا کلبھوشن کھلا ثبوت ہے۔ اقوام متحدہ میں پاکستان کی مستقل مندوب نے ملیحہ لودھی نے کہا کہ بھارتی مندوب نےپاکستان پر افغانستان کو عدم استحکام سے دوچار کرنے کابے بنیاد الزام لگایا تھا، ہمارے ملک کے خلاف تخریب کاری کا اپنا ریکارڈ دیکھیں، کلبھوشن اس کا کھلا ثبوت ہے۔ ملیحہ لودھی کا کہنا تھا کہ دہشت گردوں کی پناہ گاہیں افغانستان سے باہر تصور کرنے والے حقائق کا جائزہ لیں، کابل،اس کے پارٹنر بشمول واشنگٹن الزام تراشی کے بجائے افغانستان میں درپیش چیلنجز پر توجہ دیں۔ پاکستانی مندوب نے مزید کہا کہ مائنڈسیٹ تبدیل کرنےکی بات کرنے والے اپنے گریبان میں جھانکیں، محفوظ پناہ گاہوں کی موجودگی، منشیات سےآمدن اور دہشت گردوں کو بیرونی مددکی ضرورت ہی نہیں۔ ان کا کہنا تھا کہ 17برس کی تاریخ بتاتی ہےافغانستان میں طاقت سےکام نہیں چلےگا اس لیے یہ سوچناخام خیالی ہے کہ طاقت اور دباؤ کی حکمت عملی افغانستان میں کام کر جائے گی۔