اسلام آباد(ملت آن لائن)پاکستان تحریک انصاف کے چیرمین عمران خان نے اسحاق ڈار کے بیان پر ردعمل کا اظہار کرتے ہوئے کہا کہ کسی بھی قسم کی غلیظ زبان کا استعمال اسحاق ڈار کو نہیں بچا سکتا۔
سماجی رابطوں کی مائیکرو بلاگنگ ویب سائٹ پر اپنے ٹویٹ میں عمران خان نے وزیر خزانہ اسحاق ڈار کو شدید تنقید کا نشانہ بنایا اور ان کی ایک تصویر شیئر کرچیرمین تحریک انصاف نے کہا کہ اسحاق ڈار شوکت خانم اسپتال پر حملہ آور ہو کر پستی کی نئی حد تک گر گئے ہیں جبکہ شوکت خانم اسپتال کینسر کے 75 فیصد مریضوں کا مفت علاج کرتا ہے اور اس پر سالانہ 5 ارب روپے خرچہ آتا ہے۔
چیرمین تحریک انصاف نے کہا کہ اسحاق ڈار شوکت خانم اسپتال پر حملہ آور ہو کر پستی کی نئی حد تک گر گئے ہیں جبکہ شوکت خانم اسپتال کینسر کے 75 فیصد مریضوں کا مفت علاج کرتا ہے اور اس پر سالانہ 5 ارب روپے خرچہ آتا ہے۔
واضح رہے وزیر خزانہ اسحاق ڈار نے پاناما کیس کی تحقیقات کرنے والی جے آئی ٹی کے سامنے پیشی کے بعد میڈیا سے گفتگو میں کہا تھا کہ عمران خان کس منہ سے نوازشریف کے خلاف 62 اور 63 کا کیس کرتے ہیں، انہوں نے عطیات کی رقم سے جوا کھیلا، وہ آج بھی ٹیکس چور اور جواری ہیں۔
اس سے قبل عمران خان نے ٹوئٹ میں کہا تھا کہ (ن) لیگ اور موٹو گینگ کتنی جلدی بھول گئے کہ انہوں نے اسی جے آئی ٹی کی تشکیل پر کتنا جشن منایا تھا، فتح کے نشان بنائے اور مٹھائیاں تقسیم کیں تھیں، لیکن اب جے آئی ٹی قابو میں نہیں آرہی تو اسے بدنام کرنےکیلیے زور لگایا جارہا ہے۔