فلسطین کا دارالحکومت صرف مشرقی القدس ہے، محمود عباس
مقبوضہ بیت المقدس:(ملت آن لائن) فلسطین کے صدر محمود عباس اورمصری صدر عبدالفتاح السیسی نے امریکی صدر ڈونلڈ ٹرمپ کی جانب سے مقبوضہ بیت المقدس کو اسرائیل کا دارالحکومت تسلیم کرنے کا اعلان مسترد کردیا ہے۔فلسطینی ذرائع ابلاغ کے مطابق فلسطین کے صدر محمود عباس اورمصری صدر عبدالفتاح السیسی نے امریکی صدر ڈونلڈ ٹرمپ کی جانب سے مقبوضہ بیت المقدس کو اسرائیل کا دارالحکومت تسلیم کرنے کا اعلان مسترد کرتے ہوئے کہا ہے کہ فلسطین کا دارالحکومت صرف مشرقی القدس ہوگا ۔ دونوں رہنماؤں نے گزشتہ روز قاہرہ میں ملاقات کی جس میں امریکی صدر کی طرف سے القدس کو اسرائیلی ریاست کا دارالحکومت تسلیم کئے جانے اور اس کے بعد پیدا ہونے والی صورت حال پر تفصیلی تبادلہ خیال کیا گیا۔ اس موقع پر صدر عباس نے کہاکہ ہمارا دیرینہ مطالبہ ہے کہ اسرائیل جون 1967ء کی جنگ میں قبضے میں لیے گئے فلسطینی علاقے اور مشرقی القدس کوخالی کردے یہ علاقے آزاد فلسطینی ریاست کا حصہ ہیں۔ انہوں نے فلسطینیوں کے درمیان مصالحت اور قومی یکجہتی پر زور دیتے ہوئے مصر کے ساتھ صلاح و مشورہ جاری رکھنے کا اعلان بھی کیا۔
فلسطینی ذرائع ابلاغ کے مطابق فلسطین کے صدر محمود عباس اورمصری صدر عبدالفتاح السیسی نے امریکی صدر ڈونلڈ ٹرمپ کی جانب سے مقبوضہ بیت المقدس کو اسرائیل کا دارالحکومت تسلیم کرنے کا اعلان مسترد کرتے ہوئے کہا ہے کہ فلسطین کا دارالحکومت صرف مشرقی القدس ہوگا ۔ دونوں رہنماؤں نے گزشتہ روز قاہرہ میں ملاقات کی جس میں امریکی صدر کی طرف سے القدس کو اسرائیلی ریاست کا دارالحکومت تسلیم کئے جانے اور اس کے بعد پیدا ہونے والی صورت حال پر تفصیلی تبادلہ خیال کیا گیا۔ اس موقع پر صدر عباس نے کہاکہ ہمارا دیرینہ مطالبہ ہے کہ اسرائیل جون 1967ء کی جنگ میں قبضے میں لیے گئے فلسطینی علاقے اور مشرقی القدس کوخالی کردے یہ علاقے آزاد فلسطینی ریاست کا حصہ ہیں۔