خبرنامہ

مریم نواز کی درخواست منظور
اسلام آباد: (ملت آن لائن) احتساب عدالت نے لندن فلیٹس ریفرنس میں مریم نواز اور کیپٹن صفدر کی کیلیبری فونٹ کے استعمال سے متعلق الزام کے خلاف درخواست منظور کرتے ہوئے جعلی دستاویزات دینے کی دفعہ حذف کرنے کا حکم دے دیا۔ جس کی نیب پراسکیوٹر نے مخالفت کی اور کہا ٹرائل میں جعلی دستاویزات کو ثابت کریں گے۔ گزشتہ روز لندن فلیٹس ریفرنس میں مریم نواز اور کیپٹن (ر) صفدر نے کیلیبری فونٹ کے استعمال سے متعلق الزام کے خلاف درخواست دائر کی تھی۔ درخواست میں موقف اختیار کیا گیا کہ کیلبری فونٹ سے متعلق جعلسازی کا الزام ثابت ہونے تک فرد جرم عائد نہیں کی جا سکتی، الزام ثابت ہونے پر قانون کے مطابق الگ مقدمہ چلایا جا سکتا ہے۔