خبرنامہ

مسلم لیگ (ن) میں پارٹی صدر کے انتخاب کے لیے کمیٹی قائم

لاہور:(ملت آن لائن) مسلم لیگ (ن) میں پارٹی صدر کے انتخاب سے متعلق امور کو حتمی شکل دینے کے لیے 4 رکنی کمیٹی قائم کردی گئی ہے۔ مسلم لیگ (ن) نے پارٹی صدر کے انتخاب سے متعلق امور کو حتمی شکل دینے کے لیے 4 رکنی کمیٹی قائم کردی ہے۔ کمیٹی مسلم لیگ (ن) کے آئین کی روشنی میں صدر کے انتخاب سے متعلق لائحہ عمل کو حتمی شکل دے گی۔ کمیٹی مسلم لیگ (ن) کی مرکزی مجلس عاملہ کے اجلاس کی تاریخ کا تعین کرے گی جب کہ صدر کا انتخاب سینٹ انتخابات کے بعد کرائے جانے کا فیصلہ متوقع ہے۔
اس خبرکوبھی پڑھیں: نوازشریف پارٹی صدارت سے بھی نااہل واضح رہے کہ سپریم کورٹ نے الیکشن ایکٹ 2017 کے خلاف درخواستوں پرفیصلہ سناتے ہوئے نواز شریف کو پارٹی صدارت کے لیے بھی نا اہل قراردے دیا تھا۔
…………………………
اس خبر کو بھی پڑھیے….اسحاق ڈار کیخلاف نیب ریفرنس: نجی ہاؤسنگ سوسائٹی کے گواہ کا بیان قلمبند

اسلام آباد: (ملت آن لائن) اسحاق ڈار کیخلاف آمدن سے زائد اثاثہ جات ریفرنس میں استغاثہ کے گواہ نجی ہاؤسنگ سوسائٹی کے پراجیکٹ ڈائریکٹر انعام اسحاق کا بیان قلمبند کر لیا گیا ، نیب پراسیکیوٹر نے ضمنی ریفرنس دائر کیلئے پیر تک کی مہلت لے لی۔ اسلام آباد کی احتساب عدالت کے جج محمد بشیر نے اسحاق ڈار اثاثہ جات ریفرنس کی سماعت کی۔ الفلاح کوآپریٹو ہاؤسنگ سوسائٹی کے پراجیکٹ ڈائریکٹر انعام اسحاق نے بطور گواہ اپنا بیان ریکارڈ کرایا۔ انعام اسحاق کا کہنا تھا کہ وہ 2017 میں الفلاح ہاوسنگ کے پراجیکٹ ڈائریکٹر تھے، نیب لاہور میں تفتیشی افسر کے سامنے پیش ہو کر اسحاق ڈار کے دو کنال کے پلاٹ کا ممبر شپ فارم نیب کو فراہم کیا، اسحاق ڈار فیملی کے تین پلاٹس کا ریکارڈ فراہم کیا، ایک پلاٹ اسحاق ڈار، ایک اہلیہ اور ایک بیٹے کے نام ہے، گواہان کی موجودگی میں ریکارڈ پیش کیا، سوسائٹی کے صدر کا کورنگ لیٹر نیب کو فراہم کیا۔
جج محمد بشیر نے ریمارکس دیئے کہ فارم پر تو اسحاق ڈار کی جوانی کی تصویر ہے ، نیب پراسیکیوٹر نے کہا کہ یہ ریفرنس شروع ہونے سے پہلے کی ہے، جج اور پراسیکیوٹر کے جملوں پرعدالت میں قہقہے لگ گئے۔ نیب پراسیکیوٹر نے موقف اپنایا کہ ریفرنس تیار ہے مجاز اتھارٹی نے منظوری بھی دے دی ہے، لیکن آج نواز شریف کیس کی سماعت بھی ہے اس لیے آج جمع نہیں کرایا ، پیر کو ضمنی ریفرنس دائر کریں گے، عدالت نے مقدمے کی سماعت 26 فروری تک ملتوی کر دی۔