خبرنامہ

مسلم لیگ (ن) پیپلز پارٹی میں سے کیا نکالنا چاہتی ہے:اعجاز الحق
اسلام آباد: (ملت آن لائن) مسلم لیگ (ضیاء)کے سربراہ اعجاز الحق نے کہا ہے کہ مسلم لیگ (ن) پیپلز پارٹی میں سے کیا نکالنا چاہتی ہے، آصف زرداری نہ نواز شریف کو بچا سکتے ہیں نہ این آر او کرا سکتے ہیں، باریوں کا وقت گزر گیا، پہلے باریاں لگا کرتی تھیں۔ جمعہ کو پارلیمنٹ ہاؤس کے باہر میڈیا سے گفتگو کرتے ہوئے اعجاز الحق نے کہا کہ مسلم لیگ (ن)پیپلز پارٹی میں سے کیا نکالنا چاہتی ہے، افسوس ہوا کہ وزیر خارجہ پیپلز پارٹی کی منت سماجت کر رہے ہیں لیکن پیپلز پارٹی والے جواب نہیں دے رہے۔ انہوں نے کہا کہ آصف زرداری نہ نواز شریف کو بچا سکتے ہیں نہ این آر او کرا سکتے ہیں، باریوں کا وقت گزر گیا، پہلے باریاں لگا کرتی تھیں۔

اسلام آباد میں میڈیا کے نمائندوں سے بات کرتے ہوئے اعتزازاحسن کا کہنا تھا کہ نوازشریف اور ان کی صاحبزادی مریم نواز اب دیوار توڑ کر نکلنے کی کوشش کررہے ہیں لیکن اب ریفرنس میں ان کے خلاف فیصلہ لازم ہے اور وہ مشکل میں ہیں لیکن جمہوریت کو کوئی خطرہ نہیں۔

اعتزازاحسن نے کہا کہ نوازشریف نے ہمیشہ فوج، عدلیہ اور اسٹیبلشمنٹ کے ساتھ مل کر پیپلزپارٹی اور جمہوریت کو نقصان پہنچایا، جنرل اسلم بیگ کے ساتھ مل کر بے نظیر کی حکومت کے خلاف نوازشریف ہی کھڑے ہوئے، ججوں پر دباؤ ڈال کر بے نظیر کو سزا بھی دلوائی، یوسف رضا گیلانی کو نااہل قرار دینے میں بھی ان ہی کا ہاتھ تھا اب پیپلزپارٹی کے ان کے ساتھ بیٹھنا مشکل ہوگیا ہے۔

اس خبرکوبھی پڑھیں: اعتزاز احسن جارحانہ سیاست کا مشورہ اپنی قیادت کو دیں، چوہدری نثار

بیرسٹراعتزازاحسن کا کہنا تھا کہ ایک عرصے سے کہہ رہا ہوں کہ نوازشریف شیڈو باکسنگ کررہے ہیں انہیں ہرکونےاور پردے کے پیچھے بھوت نظر آتے ہیں، ان کی اپنی حکومت ہونے کے باوجود کہتے ہیں کہ ان کے خلاف سازش ہورہی ہے اور وہ بتائیں کہ حکومت ان کی اپنی ہے تو جمہوریت کو کس طرح خطرہ ہوسکتا ہے اور نام لیں کہ آصف زرداری کس کے کہنے پر ان کے خلاف بات کررہے ہیں۔