اسلام آباد: (ملت+آئی این پی)وزیرمملکت اطلاعات و نشریات مریم اورنگزیب نے پاراچنار دھماکے کی شدید مذمت کرتے ہوئے کہا ہے کہ معصوم شہریوں کو نشانہ بنانا بربریت ہے،ایسی کارروائیاں کرنے والے ملک کی ترقی اور امن کے دشمن ہیں،امن کے دشمنوں سے آہنی ہاتھوں سے نمٹاجائے گا۔ہفتہ کو وزیرمملکت اطلاعات مریم اورنگزیب نے پاراچنار میں ہونے والے دھماکے کی شدید مذمت کی۔مریم اورنگزیب نے کہا کہ معصوم شہریوں کو نشانہ بنانا بربریت ہے،ایسی کارروائیاں کرنے والے ملک کی ترقی اور امن کے دشمن ہیں۔انہوں نے کہا کہ پاکستان کے عوام دشمنوں کے عزائم کا حوصلے سے مقابلہ کر رہے ہیں۔۔ایسے بزدلانہ حملے پاکستانی قوم کے حوصلے پست نہیں کرسکتے،حکومت آخری دہشتگردکوختم کرکے دم لے گی۔انہوں نے کہاکہ امن کے دشمنوں سے آہنی ہاتھوں سے نمٹاجائے گا،دہشتگردی کے خلاف جنگ میں عوام کی قربانیاں رائیگاں نہیں جائیں گی۔وزیرمملکت نے جاں بحق افراد کے خاندانوں سے ہمدردی کاا ظہار کی۔۔۔(خ م)