خبرنامہ

نااہل وزیراعظم نوازشریف احتساب عدالت پہنچ گئے

اسلام آباد(ملت آن لائن) نااہل وزیراعظم نوازشریف، مریم نواز اور کیپٹن صفدراحتساب عدالت پہنچ گئے جہاں ان کے خلاف نیب ریفرنسز کی سماعت جاری ہے۔ تفصیلات کے مطابق وفاقی دارالحکومت اسلام آباد میں احتساب عدالت کے جج محمد بشیرشریف خاندان کے خلاف نیب ریفرنسز کی سماعت کررہے ہیں۔ مسلم لیگ ن کے صدر نوازشریف، مریم نواز اور کیپٹن صفدر احتساب عدالت میں موجود ہیں۔ احتساب عدالت میں استغاثہ کے گواہوں آفاق احمد اور وقاراحمد کے بیانات قلمبند کیے جائیں گے۔ وفاقی دارالحکومت اسلام آباد میں احتساب عدالت کے اطراف پولیس کی بھارت نفری تعینات ہے۔ خیال رہے کہ گزشتہ سماعت پراستغاثہ کے 2 گواہوں نجی بینک کے افسر غلام مصطفیٰ اور یاسرشبیرکے بیانات ریکارڈ کیے گئے تھے جبکہ گواہ آفاق احمد کا مکمل بیان ریکارڈ نہیں ہوسکا تھا۔ گواہ آفاق احمد نے عدالت کو بتایا تھا کہ سپریم کورٹ سے ابھی تک ریکارڈ موصول نہیں ہوا۔ العزیزیہ ریفرنس کی آج 26 ویں، فلیگ شپ انویسٹمنٹ ریفرنس کی 23 ویں جبکہ لندن فلیٹس ریفرنس کی 22 ویں سماعت ہوگی۔ واضح رہے کہ سابق وزیراعظم نوازشریف 15 ویں، مریم نواز17 ویں جبکہ کیپٹن ریٹائرڈ صفدر 19 ویں مرتبہ آج احتساب عدالت میں پیش ہوں گے۔