وزیر خارجہ خواجہ آصف کی امریکی ہم منصب سے ملاقات کا امکان
نیویارک(ملت آن لائن)پاک امریکا تعلقات میں کشیدگی کم کرنے کے لیے وزیر خارجہ خواجہ آصف کا امریکی وزیر خارجہ ریکس ٹلرسن سے ملاقات کا امکان ہے۔
ذرائع کے مطابق خواجہ آصف امریکی صدر ٹرمپ کی نئی افغان پالیسی پر بات چیت کے لیے بدھ کو امریکی ہم منصب سے واشنگٹن میں ملاقات کریں گے۔
گزشتہ دنوں وزیراعظم شاہد خاقان سے ملاقات میں نائب امریکی صدر مائیک پینس نے پاک امریکا تناؤ پر بات چیت کے لیے امریکی وفد اسلام آباد بھیجنے کی تجویز دی تھی اور تاہم پاکستان نےپیش کش قبول کرتے ہوئے وفود کی ملاقات واشنگٹن میں رکھنے کے لیے کہا تھا۔
واضح رہے کہ وزیر خارجہ خواجہ آصف پانچ اکتوبر کو نیویارک میں امریکی انسٹی ٹیوٹ آف پیس کے مباحثے میں بھی مدعو ہیں جہاں صدر ٹرمپ کی نئی پالیسی پر بات چیت کی جائے گی۔