خبرنامہ

پاکستان نیوی نے سطح آب سے سطح آب پر مار کرنے والااینٹی شپ اور زمینی حملے کی صلاحیت کا حامل نیول کروزمیزائل چلادیا

پاکستان نیوی نے سطح آب سے سطح آب پر مار کرنے والااینٹی شپ اور زمینی حملے کی صلاحیت کا حامل نیول کروزمیزائل چلادیا

کراچی (مانیٹرنگ ڈیسک) پاک بحریہ میں حال ہی میں شامل کی جانے والی فاسٹ اٹیک کرافٹ (میزائل ) پی این ایس ہمت نے شمالی بحیرۂ عرب میں لائیو ویپن فائرنگ کا شاندار مظاہرہ کیا۔ پی این ایس ہمت نے اندرون ملک تیار کردہ حربہ نیول کروزمیزائل فائر کیا ‘ جو سطح آب سے سطح آب پر مار کرنے والااینٹی شپ اور زمینی حملے کی صلاحیت کا حامل میزائل ہے۔ میزائل نے اپنے ہدف کو پوری کامیابی سے نشانہ بنایا جو اس ویپن سسٹم کیحربی صلاحیت کا واضح ثبوت ہے۔ چیف آف دی نیول اسٹاف ایڈمرل ظفر محمود عباسی نے پاک
بحریہ کے جہاز پی این ایس عالمگیر سے فائرنگ کے اس مظاہرے کو دیکھا۔ لائیو ویپن فائرنگ کا یہ کامیاب مظاہرہ نہ صرف پاک بحریہ کی فائر پاور کی قابل اعتماد اور بھرپور صلاحیت کا مظہر ہے بلکہ پاکستا ن کی دفاعی صنعت کی اندرون ملک ہائی ٹیک ہتھیار سازی کی معیار ی صلاحیت کا عکاس ہے اوراس شعبے میں خود انحصاری کے حصول کے لیے حکومتی عزم کی واضح دلیل ہے۔ اس موقع پر چیف آف دی نیو ل اسٹاف ایڈمرل ظفر محمود عباسی نے پاکستان نیول فلیٹ یونٹس کی آپریشنل تیاریوں پر مکمل اطمینان کا اظہار کیا اور ان تمام متعلقہ افراد کی کاوشوں کو سراہا جن کی بدولت اس اہم سنگ میل کا حصول ممکن ہوا۔ انہوں نے اندرون ملک دفاعی صلاحیتوں کو بہتر بنانے اور بیرونی ممالک پر انحصار کم سے کم کرنے کی ضرورت پر زور دیا۔ انہوں نے اس عزم کا اعادہ کیا کہ پاک بحریہ پاکستان کے بحری دفاع اور مفادات کے تحفظ کو ہر قیمت پر یقینی بنائے گی۔ ایڈمرل ظفر محمود عباسی نے حربہ نیول ویپن سسٹم منصوبے کو کامیابی سے ہمکنار کرنے والے انجینئرز اور محققین کی بھی تعریف کی ۔ پی این ایس ہمت نے اندرون ملک تیار کردہ حربہ نیول کروزمیزائل فائر کیا ‘ جو سطح آب سے سطح آب پر مار کرنے والااینٹی شپ اور زمینی حملے کی صلاحیت کا حامل میزائل ہے۔