خبرنامہ

بیجنگ (ملت + آ ئی این پی) چین کے نیشنل میوزیم کے ڈپٹی ڈائیریکٹر حو وا نے پاکستان کے مشہور مصور جمی انجینئر کی پینٹنگ مستقل نمائش کیلئے منتخب کر تے ہوئے کہا ہے کہ پاکستان فن اور ثقافت سے بھرپور ملک ہے، یہ پینٹنگ اس کی عکاس ہے ، پینٹنگ کو ہم نے مستقل نمائش کیلئے ہی منتخب نہیں کیا بلکہ یہ پاک ، چین دوستی کا نمونہ ہے۔ چائنہ ریڈیو انٹرنیشنل کے مطابق پاکستان کے مشہور مصور جمی انجیئر کی طرف سے چین کے معروف نیشنل آرٹ میوزیم کو عطیہ کی گئی انکی پینٹنگ میوزیم میں مستقل نمائش کے لئیے منتخب کر لی گئی ہے ۔ چین میں پاکستانی سفیرمسعود خالد نے پاکستانی مصور جمی انجینئر کے ساتھ میوزیم کے ڈپٹی ڈائیریکٹر حو وا سے ملاقات کی اور پینٹنگ انہیں پیش کی۔ اپنے استقبالیہ کلمات میں حو وا نے کہا کہ پاکستان فن اور ثقافت سے بھرپور ملک ہے اور یہ پینٹنگ اس کی عکاس ہے ۔ اس پینٹنگ کو ہم نے مستقل نمائش کیلئے صرف فنکار کے فن کے تنوع کی وجہ سے ہی منتخب نہیں کیا بلکہ یہ پاکستان چین کی دوستی کا نمونہ بھی ہے اس موقع پر پاکستان کے سفیر نے اس عزت افزائی پر انکا شکریہ ادا کیا اور کہا کے دونوں ملکوں کے درمیاں ثقافتی تعاون صدر شی کے بیلٹ اینڈ روڈ تجویز کا حصہ ہے اور دونوں ممالک کے راہنماوں اور عوام کی طرف سے پاک چین تعلقات کو مضبوط کرنے کی کوششوں کا نتیجہ ہے ۔ جمی انجینئر نے اس موقع پر میوزیم کی انتظامیہ کا شکریہ ادا کیا ۔ انہوں نے پاکستان اور پاکستانی فن کو مثبت انداز میں سامنے لانے کا موقع دیا ۔انہوں نے اس بات کا اعادہ کیا کے ایک سچے پاکستانی ہونے کے ناطے وہ چین پاک دوستی میں اپنا حصہ ڈالتے رہیں گے۔