خبرنامہ

لاہور (ملت آن لائن + آئی این پی) پنجاب اسمبلی میں وزیر اعظم نوازشر یف کے خلاف استعفیٰ کی قرار داد پیش کر نے کی اجازت نہ ملنے اپوزیشن کی ہنگامہ آرائی ‘حکومتی اور اپوزیشن اراکین کی نعرے بازی سے ایوان مچھلی منڈی بنا رہا ‘اپوزیشن اراکین نے ایجنڈے کی کاپیاں پھاڑ کر سپیکر کے ڈائس کا بھی گھیراؤ کرلیا ‘ایوان گو نواز گو ‘‘نوازشریف استعفیٰ د و ‘گو عمران گو ‘رو عمران رو ‘ڈاکو‘ڈاکو کے نعروں سے گومجتا جبکہ اپوزیشن کے ایوان سے واک آؤٹ پر اسمبلی نے وزیر اعظم نوازشر یف کے حق میں قرار داد منظور کر لی اپوزیشن کو بھی قرار داد میں2018کے عام انتخابات کی تیاری کرنے کا بھی مشورہ دیدیا ۔ تفصیلات کے مطابق سوموار کے روز پنجاب اسمبلی کے اجلاس کے موقعہ پر وقفہ سوالات کے بعد اپوزیشن لیڈر پنجاب اسمبلی میاں محمودالرشید نے وزیر اعظم نوازشر یف سے استعفیٰ کے مطالبے کے متعلق اپوزیشن جماعتوں کی مشتر کہ قرار داد ایوان میں پیش کر نے کیلئے سپیکر رانا محمد اقبال خان سے آؤٹ آف ٹرن قرار داد پیش کر نے کی اجازت مانگی اور کہا کہ سپر یم کورٹ کے فیصلے میں یہ ثابت ہو چکا ہے کہ وزیر اعظم نوازشر یف صادق اور امین نہیں رہے اس لیے قوم اور ہم سمجھتے ہیں کہ نوازشر یف اس عہدے پر رہنے کا کوئی حق نہیں وہ آرٹیکل62اور 63پر بھی پورے نہیں اترتے اس لیے وزیر اعظم فوری استعفیٰ دیں جس پرسپیکر اسمبلی نے مؤقف اختیار کیا کہ قراداد لانے کے لئے14دن پہلے بتانا ہوتا ہے، اس پر اپوزیشن لیڈر محمود الرشید نے کہا کہ یہ ہمارا استحقاق ہے، مگر سپیکر صوبائی اسمبلی نے اس کی اجازت دی جس پر اپوزیشن نے ایجنڈے کی کاپیاں پھاڑ دیں ۔اپوزیشن اراکین نے اپنے بنچوں پر کھڑے ہوکر گو نواز گو کے نعرے لگانا شروع کردئیے جبکہ حکومتی اراکین رو عمران رو کے نعرے لگاتے رہے حکومتی اراکین کی تعداد کم ہونے کی وجہ سے وہ اپنی نشستوں پر بیٹھ گئے جبکہ اپوزیشن ایوان میں نعرے لگاتے رہے اپوزیشن نے یوان میں ’’ گو نواز گو ‘‘نوازشریف استعفیٰ دو کے نعرے لگانے شروع کر دےئے جس پر حکومتی اراکین بھی اپنی نشستوں پر کھڑ ے ہو گئے اور گو عمران گو ‘رو عمران روکے نرے لگائے جس پرا یوان میں دونوں جماعتوں کے ایک ددسرے کے خلاف نعروں سے ایوان مچھلی منڈی بنا رہا اور سپیکر دونوں اطراف کے اراکین اسمبلی کو خاموش کروانے کی کوشش کرتے رہے مگر وہ اس میں کامیاب نہ ہوسکے بعد ازاں اسمبلی کے اجلاس سے واک آٹ کردیاجسکے بعد صوبائی وزیر قانون رانا ثناء اللہ خان نے ایوان کی منظوری کے بعد ایوان میں وزیر اعظم کے حق میں آؤٹ آف ٹرن قرار داد پیش کی جس کو ایوان نے اپوزیشن کی عدم موجودگی میں منظور کر لیا قرار داد میں کہا گیا ہے کہ پنجاب اسمبلی کا یہ ایوان وزیر اعظم نوازشر یف کی قیادت پر مکمل اعتماد کا اظہار کر تا ہے اور ہمارا مطالبہ ہے کہ وزیر اعظم نوازشر یف کو ملک وقوم کی ترقی اور خوشحالی کیلئے مکمل طور پر کام کر نا دیا جائے ملک میں سی پیک جیسے ترقی اور خوشحالی کے منصوبے نوازشر یف کے نام سے قوم کو ہمیشہ یاد رہیں گے اپوزیشن کی سیاسی جماعتوں کو آئندہ عام انتخابات2018پر توجہ مر کوز کر نا چاہیے ۔