خبرنامہ

اسلام آباد ۔02 فروری (اے پی پی) کراچی میں سیکنڈ ہینڈ موبائل خریدنے کے لئے سی پی ایل سی سے موبائل کی تصدیق کی پابندی لگا دی گئی۔نجی ٹی وی چینل کے مطابق کراچی میں سٹریٹ کرائمز پر قابو پانے کے لیے پولیس نے سی پی ایل سی اور الیکٹرانکس ڈیلرز سے مل کر ایک ضابطہ اخلاق تیار کیا ہے جس کے تحت استعمال شدہ فون خریدنے سے پہلے ڈیلرز سی پی ایل سی سے موبائل کی تصدیق کے پابند ہوں گے۔اس حوالے سے سی پی ایل سی نے استعمال شدہ موبائل فونز کی خریدو فروخت کے لیے فارم بھی تیار کرلیا ہے جس کے ذریعے کوئی بھی دکاندار استعمال شدہ موبائل فون خریدنے سے پہلے اسے فروخت کرنے والے شخص کا شناختی کارڈ اور فون نمبر حاصل کرے گا اور سی پی ایل سی سے تصدیق کے بعد ہی وہ موبائل فون کسی سے خریدے گا اور اس ضابطہ اخلاق پر عمل نہ کرنے کی صورت میں دکاندار کو گرفتار کرلیا جائے گا۔