خبرنامہ

کوئٹہ ملت آن لائن) کوئٹہ کے علاقے دشت میں سکیورٹی فورسز کی گاڑی کے قریب دھماکے کے نتیجے میں دو سکیورٹی اہلکاروں سمیت 3 افراد زخمی ہوگئے ۔ لیویز ذرائع کے مطابق دہشتگردوں نے سکیورٹی فورسز کی گاڑی کو نشانہ بنایا ۔ واقعے کے بعد سکیورٹی اہلکاروں نے جائے حادثہ کو گھیرے میں لے لیا اور شواہد اکٹھے کر کے تفتیش کا آغاز کر دیا ہے ۔ اس سے قبل دو روز پہلے گوادر کے علاقے پشگان میں بھی نامعلوم افراد کی فائرنگ سے 10 مزدور جاں بحق ہوگئے تھے ، فائرنگ سے 8 افراد نے موقع پر دم توڑ دیا تھا اور دو ہسپتال میں چل بسے تھے