خبرنامہ

گجرات: راہول گاندھی کا نیوزچینلوں کیخلاف مقدمہ
نئی دہلی:(ملت آن لائن) الیکشن کمیشن نے گجرات میں دوسرے مرحلے کی ووٹنگ سے ایک روز قبل کانگریس کے نو منتخب صدر راہل گاندھی کا انٹرویو نشر کرنے والے مقامی ٹی وی چینلوں کے خلاف ایف آئی آر درج کرنے کی ہدایت دی ہے۔ الیکشن کمیشن نے ریاستی چیف الیکشن افسر سے کہا ہے کہ وہ ایسے ٹیلی ویژن چینلوں کے خلاف ایف آئی آر درج کر کے ضروری کارروائی کریں، جنہوں نے انٹرویو نشر کر کے عوامی نمائندگی قانون کی خلاف ورزی کی۔ کمیشن کا کہنا ہے کہ اس طرح کا انٹرویو متعلقہ قانون کی دفعہ 126 (3) کے تحت الیکشن معاملہ کے زمرے میں آتا ہے اور اس کا نشر کرنا دفعہ 126 (A) (B) کی خلاف ورزی ہے۔ ادھر کانگریس نے راہwل گاندھی کا انٹرویو نشر کرنے والے چینلوں کے صحافیوں کو دھمکی دینے کا الزام لگاتے ہوئے اس میں ملوث افراد کے خلاف معاملہ درج کر کے کارروائی کرنے کامطالبہ کیا ہے۔ کانگریس میڈیا سیل کے سربراہ رندیپ سرجے والا نے کہا کہ گجرات کے مقامی چینلوں کو مسٹر راہول گاندھی کا انٹرویو نشر کرنے پر فون سے ڈرایا دھمکا جا رہا ہے اور صحافیوں کو دھمکیاں دی جارہی ہے۔