انتظار ختم: ایشیا کپ میں پاک بھارت ٹاکرا، میدان آج لگے گا
واضح رہے کہ پریکٹس سیشن کے بعد پاکستانی ٹیم نے آج کے میچ کیلئے بھی اپنے وہی بارہ کھلاڑی برقرار رکھے ہیں جنہوں نے ہانگ کانگ کیخلاف میچ کھیلا تھا لیکن توقع ہے کہ گرین شرٹس چار فاسٹ بالرز کے ساتھ میدان سنبھالیں گے۔ ایشیا کپ میں 12 میں سے 5 بار کامیابی نے گرین شرٹس کے قدم چومے اور 5 میں ہی روہت شرما الیون نے میدان مارا ہے جبکہ 2 میچ برابر رہے۔
ادھر ایشیاء کپ کی شیڈولنگ پر معترض قومی کپتان سرفراز احمد نے آج بھارت کیخلاف نارمل کرکٹ پر اصرار کرتے ہوئے کہا ہے کہ انہوں نے ساتھی کھلاڑیوں کو یہ بات سمجھا دی ہے کہ وہ اس میچ میں بھی اسی طرح کھیلیں جیسے عام طور پر کھیلتے ہیں، شائقین کی خواہش ہر حال میں فتح سہی لیکن بطور کپتان ہر ٹیم کیخلاف کامیابی اہمیت کی حامل ہوتی ہے، پاکستان کو اضافی فائدہ حاصل نہیں کیونکہ کنڈیشنز تمام ٹیموں کیلئے یکساں طور پر سازگار ہیں، ایک ٹیم کو دبئی تک محدود رکھنا سمجھ سے بالاتر ہے، یقینی طور پر پی سی بی حکام اس معاملے کو دیکھیں گے۔