خبرنامہ

نواز شریف نے ہمیشہ عوام کو دھوکادیا، سچ بولنا کب سیکھیں گے ؟ نیئربخاری

کراچی:(ملت آن لائن) پاکستان پیپلزپارٹی کے سیکریٹری جنرل نیئربخاری کا کہنا ہے کہ نواز شریف نے ہمیشہ عوام کو دھوکادیا، سچ بولنا کب سیکھیں گے؟ تفصیلات کے مطابق پاکستان پیپلزپارٹی سیکریٹری جنرل نیئربخاری نے نوازشریف کے بیان پر ردعمل کا اظہار کرتے ہوئے کہا کہ نواز شریف سچ بولنا کب سیکھیں گے ؟انہیں اصغرخان کیس یاد ہے؟ نیئربخاری کا کہنا تھا کہ بلوچستان اسمبلی اراکین نواز شریف کی منافقت پر باغی ہوئے، نواز شریف نے ہمیشہ عوام کو دھوکادیا، اقامہ ہی کرپشن کی بنیاد ہے۔ یاد رہے کہ سابق وزیراعظم نے احتساب عدالت میں غیررسمی گفتگو کرتے ہوئے کہا تھا کہ پی پی اورپی ٹی آئی کی سیاست کا مقصد صرف عوام کو دھوکہ دینا ہے، اب یہ سو دو سو لوگوں کے جلسے کررہے ہیں۔
پی پی اورپی ٹی آئی کی سیاست کامقصدصرف عوام کودھوکہ دینا ہے‘ نواز شریف
انکا کہنا تھا کہ یہ ہروقت امپائرکی انگلی کی طرف دیکھتے ہیں اور ہمیشہ سے چوردروازے سے آنے کے خواہشمند ہیں، چھ لوگوں نےسنجرانی کو نامزد کیا اور وہ آتے ہی چیئرمین بن گئے،ان کے پیچھے جو ہے وہ سب کو پتہ ہے۔ نوازشریف نےجے آئی ٹی پر بھی تنقید کی کہا تھا کہ تحریک عدل کیلئےکسی انٹرنیشنل فرم کی خدمات نہیں لیں۔ ہم کوئی نیب نہیں ہیں جوعالمی فرم کی خدمات لیں اور عدالتی اصلاحات کو آئندہ الیکشن میں ن لیگ کے منشورکا حصہ قراردیا۔