خبرنامہ انٹرنیشنل

دمشق:(ملت+ اے پی پی) شامی صدر بشارالاسد نے کہا ہے کہ ملک کے مشرقی شہر دیر الزور میں امریکی طیاروں نے جان بوجھ کرشامی فوجیوں پر ایک گھنٹے تک فضائی حملے کیے ، امریکا جنگ بندی کے خاتمے کا ذمے دار ہے۔عرب ذرائع ابلاغ کے مطابق اپنے ایک انٹرویو میں انہوں نے کہا ہے کہ شام میں جنگ کے جاری رہنے کا امکان ہے کیونکہ ان کے مخالفین کے لیے غیرملکی امداد کی آمد کا سلسلہ جاری ہے۔انھوں نے کہا کہ امریکا شام میں روس کے ساتھ مل کر جنگجوؤں سے لڑنے کا عزم نہیں رکھتا ہے۔صدر بشارالاسد نے ان الزامات کو بھی مسترد کردیا ہے کہ شامی یا روسی طیاروں نے حلب میں اقوام متحدہ کے امدادی قافلے کو فضائی حملے میں نشانہ بنایا تھا۔انھوں نے اس بات کی بھی تردید کی ہے کہ ان کے وفادار فوجی حلب شہر کے باغیوں کے زیر قبضہ حصے میں امدادی سامان اور خوراک کو داخل ہونے سے روک رہے ہیں۔