ایران نے امریکا کی ممکنہ پابندیوں کے خلاف عالمی عدالت انصاف سے رجوع کرلیا، ایران کا موقف ہے کہ امریکی اقدام عالمی قوانین کی خلاف ورزی ہے۔
ایرانی خبررساں ایجنسی کے مطابق ایرانی وزارت خارجہ کے مطابق امریکا کی جانب سے ایران پر دوبارہ پابندیاں عائد کرنے کے اعلان کے بعد عالمی عدالت انصاف میں امریکا کے خلاف درخواست دائر کر دی ہے۔
ایرانی وزیرخارجہ جواد ظریف کا کہنا ہے کہ غیر قانونی اور یکطرفہ پابندیوں کے خلاف امریکا کو جوابدہ ہونا ہوگا، امریکا کو عالمی قوانین توڑنے کی عادت ہے، امریکا کی جانب سے قانون اور سفارت کاری کی توہین کے باوجود ایران قوانین کا احترام کرنے پر کاربند ہے۔
امریکا نے مئی میں ایران جوہری معاہدے سے دستبردار ہوتے ہوئے ایران پر دوبارہ سے پابندیاں لگانے کا اعلان کیا تھا۔