خبرنامہ انٹرنیشنل

نئی دہلی:(اے پی پی) بھارتی وزیر خارجہ سشما سوراج نے روایتی ہٹ دھرمی کا مظاہرہ کرتے ہوئے کہا ہے کہ پاکستان کے ساتھ صرف سرحد پار دہشت گردی، ممبئی اور پٹھان کوٹ حملوں اور متعلقہ ایشوز پر بات ہو سکتی ہے۔ سشما سوراج کا کہنا تھا کہ مقبوضہ کشمیر کے مسئلے پر پاکستان کے ساتھ کوئی بات نہیں ہو سکتی، پاکستان کو چاہیے کہ وہ سرحد پار دہشت گردی کا سلسلہ بند کرے۔ ان کا کہنا تھا کہ پاکستان نے دہشت گردی کے خلاف کوئی اقدامات نہیں کیے۔ اس لیے اس کے ساتھ بات چیت نہیں ہو سکتی، بھارتی وزیر خارجہ سشما سوراج نے کہا کہ دہشت گردی کا خاتمہ ہمارے لیے مرکزی چیز ہے، سشما سوراج نے سرتاج عزیز کی جانب سے مذاکرات کی پیشکش پر ردعمل ظاہر کرتے ہوئے کہا کہ مقبوضہ کشمیر کے مسئلے پر پاکستان کے ساتھ کوئی بات نہیں ہو سکتی، پاکستان بھارت تعلقات اور متعلقہ معاملات پر بات چیت کا خیرمقدم کریں گے۔