اسما کو کھیتوں میں لے جا کرزیادتی کی، گلا دبا کرقتل کیا، ملزم کا اعترافی بیان
مردان :(ملت آن لائن) اسما قتل کیس کے ملزم نے اعتراف کیا ہے کہ اسما کو کھیتوں میں لے جا کرزیادتی کی، گلا دبا کرقتل کیا۔مردان کی اسما قتل کیس کے ملزم کا اعترافی بیان سامنے آگیا، ملزم کا کہنا ہے کہ اسما بچوں کیساتھ کھیل رہی تھی اس روزگاؤں میں شادی تھی،ہوٹل میں مزدوری کرتاتھا،شادی کیلئےچھٹی کی تھی۔ ملزم نے مزید کہا کہ دیگر بچے شادی والے گھر چلے گئے تواسما اکیلی رہ گئی اور میں نے اسما کو کھیتوں میں لے جا کر زیادتی کی اور اسے گلا دبا کر قتل کردیا۔ یاد رہے چند روز قبل پولیس نےاسماقتل کیس کےمرکزی ملزم کو میڈیا کےسامنے پیش کیا تھا۔ آر پی او کا کہنا تھا کہ مردان کیس میں گرفتار15سال کےملزم کانام محمدنبی ہے، مردان کیس میں گرفتارملزم محمد نبی نے اعتراف جرم کرلیا، مرکزی ملزم نبی مقتول اسما کا کزن تھا، ملزم محمد نبی ریسٹورنٹ میں کام کرتا تھا،شادی کی تقریب میں آیا تھا، ملزم بچی کو کھیت میں لے گیا،بچی نے چیخ ماری تو گلا دبانے کی کوشش کی، ملزم کے دوست کو بھی گرفتارکرلیا ہے۔
اسما قتل کیس ، مرکزی ملزم میڈیا کے سامنے پیش، مقتول اسما کا کزن نکلا
یاد رہے کہ جنوری کی 13 تاریخ کو مردان کے نواحی علاقے گوجر گڑھی سے چار سال کی اسما گھر کے سامنےسے کھیلتے ہوئے لاپتہ ہوگئی تھی۔ اسما کو اغواکے بعد زیادتی کا نشانہ بنایا گیا اور بعد ازاں قتل کرکے لاش کھیتوں میں پھینک دی گئی تھی۔میڈیکل رپورٹ میں بچی کے ساتھ زیادتی کی تصدیق ہوئی ہے، جبکہ جسم پر تشدد کے نشانات بھی تھے، بچی کی موت گلادبانے سے ہوئی تھی۔