خبرنامہ خیبر پختونخوا

چترال (آئی این پی)چترال میں سیلابی ریلے سے متعلق ضلعی انتظامیہ نے حکومت کو رپورٹ پیش کر دی ہے۔ متاثرہ خاندانوں میں امدادی سامان کے ساتھ چیک بھی تقسیم کردئے گئے ہیں۔رپورٹ کے مطابق سیلابی ریلے سے متاثرہ 50 خاندانوں میں امدادی سامان کے ساتھ چیک بھی تقسیم کر دئے گئے، چترال کے سیلابی ریلے میں 29 افراد جاں بحق ہوئے تھے جن میں سے 19 افراد کی لاشیں نکالی جا چکی ہیں جبکہ 10 افراد تاحال لاپتہ ہیں۔ سیلابی ریلے میں 20 گھر مکمل تباہ ہوچکے ہیں جبکہ 35 گھروں کو جزوی نقصان پہنچا ہے سیلابی ریلے میں 5 پاک فوج کے جوان بھی زخمی ہوئے تھے۔