اے کراچی مرحبا ۔۔۔ ہاں کراچی مرحبا
مرحبا ۔۔۔مرحبا۔۔۔اے کراچی مرحبا
قائد، اعظمؒ کا مولد اور مدفن ہے یہ شہر
اہلِ پاکستان کی عظمت کا یہ مسکن ہے یہ شہر
ناز ہے جس پر چمن کو ، ہے نشیمن یہ شہر
آرزوؤں کے گلستاں اے کراچی مرحبا
اے کراچی مرحبا ۔۔۔ ہاں کراچی مرحبا
مرحبا ۔۔۔مرحبا۔۔۔اے کراچی مرحبا
آج ہیں سینہ سپر اہلِ وفا تیرے لیے
معرکہ آراء ہیں مردانِ خدا تیرے لیے
مرحبا تیرے لیے صد مرحبا تیرے لیے
ملک و ملّت کے نگہبان اے کراچی مرحبا
مرحبا ۔۔۔مرحبا۔۔۔اے کراچی مرحبا
اے کراچی مرحبا ۔۔۔ ہاں کراچی مرحبا
تیری خاکِ پاک میں دیبل کے ہیں نقش و نگار
راجہ داہر کی شکستِ دائمی کی یادگار
اے کراچی ! اے محمدابنِ قاسمؒ کے دیار
تجھ پہ پاکستان نازاں اے کراچی مرحبا
مرحبا ۔۔۔مرحبا۔۔۔اے کراچی مرحبا
اے کراچی مرحبا ۔۔۔ ہاں کراچی مرحبا
تیری عظمت کی محافظ ہے سپاہِ ارجمند
تیرے غازی سربکف ہیں تیرے شہری فتح مند
تو فضائی اور بحری معرکوں میں سربلند
اے دیارِسرفروشاں اے کراچی مرحبا
مرحبا ۔۔۔مرحبا۔۔۔اے کراچی مرحبا
اے کراچی مرحبا ۔۔۔ ہاں کراچی مرحبا
اے کراچی مرحبا ۔۔۔ ہاں کراچی مرحبا
شاعر : جون ایلیا
گلوکار : احمد رشدی و کورس
موسیقی : لعل محمد
ریڈیو پاکستان کراچی
۱۹۶۵ء