یہ دس کروڑ انساں
ملّت کے ہیں نگہباں
سینوں میں گونجتا ہے
ان کے خدا کا فرماں
یہ دس کروڑ انساں
ان قدم سے روشن ہیں ارتقاء کے جادے
چٹان کی طرح ہیں ان کے جواں ارادے
دشمن کے واسطے ہیں عزم و عمل کے طوفاں
یہ دس کروڑ انساں
ملّت کے ہیں نگہباں
اٹھیں تو آندھیوں کو اک پل میں زیر کردیں
جھپٹیں تو دشمنوں کو مٹی کا ڈھیر کردیں
ان کی شجاعتوں پہ ہوتی ہے عقل حیراں
یہ دس کروڑ انساں
ملّت کے ہیں نگہباں
یہ ہیں نشانِ جرأت یہ ہیں وطن کی عزت
ان کی رگوں میں پنہاں حیدرؓ کی ہے شجاعت
اسلام کے محافظ، قرآں کے نگہباں
یہ دس کروڑ انساں
ملّت کے ہیں نگہباں
سینوں میں گونجتا ہے
ان کے خدا کا فرماں
یہ دس کروڑ انساں
شاعر : محشر بدایونی
گلوکاران : تاج ملتانی ، نہال عبداللہ، نگہت سیما
موسیقی : نہال عبداللہ
ریڈیو پاکستان کراچی