خبرنامہ

یہ ہواؤں کے مسافر یہ سمندروں کے راہی
میرے سر بکف مجاہد میرے صف شکن سپاہی
یہ ہواؤں ۔۔۔۔۔۔۔۔۔
یہ تیرا یقینِ محکم تیری ہمتوں کی جاں ہے
تیرے بازوؤں کی قت تیرے عزم کا نشاں ہے
تو ہی راہ تو ہی منزل تو ہی میرِ کارواں ہے
یہ زمیں تیری زمیں ہے
یہ جہاں تیرا جہاں ہے
تیرے پاؤں میں ہے قوت
تیرے ہاتھ میں ہے شاہی
یہ ہواؤں کے مسافر یہ سمندروں کے راہی
میرے سر بکف مجاہد میرے صف شکن سپاہی
یہ ہواؤں ۔۔۔۔۔۔۔۔۔
تیرے اپروؤں کی جنبش تیری آنکھ کا شارہ
تیرے دشمنوں کی آفت تیرے قہر کا شرارہ
تو وطن کی آبرو ہے تو وطن کا ہے سہارا
اسی آبرو سے چمکا تیرے دیس کا ستارہ
تیرا دیس دے رہا ہے
تیری شان کی گواہی
یہ ہواؤں کے مسافر یہ سمندروں کے راہی
میرے سر بکف مجاہد میرے صف شکن سپاہی
یہ ہواؤں ۔۔۔۔۔۔۔۔۔

شاعر : صوفی غلام مصطفی تبسم
گلوکارہ : مادام نورجہاں
موسیقی : سلیم اقبال
ریڈیو پاکستان