او ماہی چھیل چھبیلا
ہائے نی کرنیل نی جرنیل نی
میرا ماہی چھیل چھبیلا
کرنیل نی جرنیل
سارے جگ کولوں نیارا
سانوں جن کو نوں پیارا
او ماہی رنگ رنگیلا
ہائے نی کرنیل نی جرنیل نی
اپنی جان دکھا وچ پاکے
دیس دی عزت آن بچاوے
لوکی دین دعائیں ۔۔۔شالا کفر بلائیں
میرا جیوے ڈھول سجیلا
ہائے نی کرنیل نی جرنیل نی
میرا ماہی چھیل چھبیلا
ہائے نی کرنیل نی جرنیل نی
ودھ ودھ سکھیاں دین ودھائیں
جھم جھم جیوے سر دا سائیں
کدی مان دکھاوے ۔۔۔کدی ہسدا ای جائے
نالے شوخ نالے شرمیلا
ہائے نی کرنیل نی جرنیل نی
میرا ماہی چھیل چھبیلا
ہائے نی کرنیل نی جرنیل نی
مڑ گھر آیا دل دا جانی
ہوگئی میری شام سہانی
ایسی چھب دکھلاوے ۔۔۔دل کھڑ کھڑ جاوے
رنگ لال ہوئے کدی پیلا
ہائے نی کرنیل نی جرنیل نی
میرا ماہی چھیل چھبیلا
ہائے نی کرنیل نی جرنیل نی
شاعر : صوفی غلام مصطفی تبسم
گلوکارہ : مادام نورجہاں
موسیقی : سلیم اقبال
ریڈیو پاکستان لاہور