خبرنامہ

اسلام آباد (ملت آن لائن،اے پی پی) قومی اقتصادی کونسل کی انتظامی کمیٹی کا اجلاس وفاقی وزیر خزانہ سینیٹر اسحاق ڈار کی زیر صدارت ہوا۔ اجلاس میں آئی ڈی اے کی 13 کروڑ 70 لاکھ ڈالر کی فنڈنگ سے مالیاتی شمولیت و انفراسٹرکچر پراجیکٹ کی اصولی منظوری دی گئی۔ قومی اقتصادی کونسل کی انتظامی کمیٹی نے لاہور سیالکوٹ موٹروے لنک (چار رویہ) براستہ نارنگ منڈی تا نارو وال منصوبے کی منظوری بھی دی۔ 73.35 کلومیٹر طویل اس شاہراہ پر 14 ارب، 18 کروڑ اور 98 لاکھ روپے کی لاگت آئے گی۔ اس کے علاوہ گوادر بندرگاہ کی ایسٹ بے پر ایکسپریس وے کی تعمیر کی منظوری دی گئی ہے۔